呢排點嗎 X 好耐冇見：戀后感

to 前度老公   呢排點嗎 好耐冇見   好奇怪hor 每次寫俾ex嘅信 開頭仲係呢兩句噶 冇來新意   最近 無意中係fb睇到你張相 個感覺又返翻嗮來   『不過』 唔系對你嘅感覺 係覺得你似余文樂嘅感覺 就系 你俾我嘅第一個感覺咯   好奇怪 原來我真係咁鐘意余文樂 鐘意到搵個男朋友 都要有佢嘅樣   『不過』 而家 余文樂都大個仔咯 都冇再做埋d飛仔嘅角色啦 你呢 有無變生性d 變乖d啊   時間都過咗咁耐 有d事總會變噶 比如 係咯 你都有新女朋友啦 恭喜嗮喔   冇啊 我塊面邊有變酸喔 真心嘎   呢個禮拜 仲看到一位傻仔 係facebook嗰度 公開同女友關系 即刻俾咗個like佢地 咩喔 人地真係衷心祝福嘎   我？ 不好講我呢筆啦 我遇過好多男仔 都有d係好仔嘎   『但係 』 唔啱我咋嘛   『但係』 有d嘢 始終冇變到   我仲係咁鐘意亂嗮錢 我仲係咁鐘意余文樂 我仲係咁鐘意玩SMS   『不過』 我不夠好彩 搵唔返一個好似你 咁口甜舌滑 咁識氹女仔嘅男人   之后 個電話dry咗一暫 我不係直接冇再用電話咯 有時 開機 手痕想send 個sms撩下你   『可惜』 原來 我連你嘅電話都 整唔見埋   『但係』 如果我再撞翻你 我會同你講 我當時真係好鐘意你啊！！   『不過』 當時 可惜係當時   係嘎 做人唔就係咁咯 太多 『不過 但係 可惜』   『但係』 好彩！！！ 我仲係相信愛情   『可惜』 搵無到啱嘅對象咋嘛   祝福你 一切都好地地咁   得閑飲茶啊   『不過』 要你請喔 仲要記住 介紹埋個女朋友 俾我識啊   from 前度老婆

 

 

p/s

送埋首歌俾你啦

就當係圣誕禮物

當經過傻戀 熱戀 狂戀

花火飄散後 眷戀 心太軟 沒法去計算的積怨

迷戀 別戀 留戀

傷心得最後 自戀 跟暗算 混帳與混亂

不過愛你是我志願 才輸光心血

 

戀后感 / 古巨基

 

戀後感 / 古巨基 叱咤903 戀LOVE LOVE廣播劇,舞台劇主題曲 作曲：蘇耀宗(細So) 填詞：火火 編曲：Rubberband 初戀那刻 發誓愛到未來 日子不再 只會各有各心中所愛 苦戀那刻 放下性格換來愛 學懂慷慨 就如飾演一位乞丐 別問結局應不應該 便知一宗詐騙的比賽 分手那天 眼淚要跌下來 目睹心愛 擁顧摯友說了拒親愛 擺酒那天 冀望碰上舊時愛 若她感概 就如擊倒的ＰＫ賽 學習愛是多悲哀 誰可一生到老的戀愛 當經過傻戀 熱戀 狂戀 花火飄散後 眷戀 心太軟 沒法去計算的積怨 迷戀 別戀 留戀 傷心得最後 自戀 跟暗算 混帳與混亂 不過愛你是我志願 才輸光心血 戀不過 時刻 地點 人選 空間交錯下 磨損的咒怨 但會叫你我失分寸 回家 離開 活該 哭泣的故事 承載 不再愛 被愛與被害 戀愛世界定有意外 全都不可愛 稀罕一再 戀LOVE LOVE愛